Ikastolako jaia

Ekainaren 9an Eguzkibegin Ikastolako jaia ospatzen duguuuuuuu! Larunbatean, ekainak 9an, Eguzkibegin ikastolako jaia ospatzen dugu. Goizeko 10etan hasita eta arratsladeko 6ak arte gustu guztietarako eta adin ezberdinetarako ekintzak egongo dira: * Kirolak: saskibalio partidak, eskupilota, bolieibol, herri kirolak, ping-pong txapelketa * Ludoteka txikientzako, tailerrak goiz osoan, euskaldantzak * disko festa, musika kontzertua LARREGI taldearekin Eta eguerdian nahi duten guztientzako bazkaria Zer gehiago behar da jai erraldoi txatxi piruli bat izateko??



Ikastolako jaian egindako etengabe gaurkoratzen den argazki bilduma hemen duzue!

Ibilaldia 2012 Trapagaranen

Milaka euskalzale batu ziran atzo Trapagaranen Itxaropena ikastolak antolatutako jaia ospatzera.

Ohiko Asanblada

Maiatzaren 30ean Eguzkibegin urteroko Ohiko Asanblada ospatu da:

•  kurtso bukaera guztietan egin behar diren kontuak eta 
• hartu behar diren erabakiak bideratzeko. 

Kooperatibako 67 bazkideren partaidetzarekin, gaiok jorratu ziren:

• 2011ko kontuak onartu egin 
• Datorren kurtsorako kuotak eta prebisio ekonomikoak onartu 
• Juntakide berri baten onespena 

Asanbladaren hasieran Imanol Igeregi Ikastolen Federazioko lehendakaria egon zen bertan Elkartasun Kutxa (Caja de Solidaridad delakoa) zer den azaltzen eta nola funtzionatzen duen zehazten.
Horren ondoren, Eguzkibegiren integrazioa eta diruaren ekarpena ere bozkatu eta onartu egin zen.

Ekaineko auzolana

Mantenuko lanetan azkeneko asteburura heldu gara. Azken honetan ikastolako jaiari begira, txukuntze lanetan ibili gara. Batez ere, ikastolako goiko aurpegia ondo jartzen aritu gara. Lehengo eta bigarrarren pisuko hormak eta teilatu azpikoa margotu ditugu. Beheko patioa margo erretoke batzuk burutu dira frontoi, zutabe eta hormetan. Egun honetan 20 pertsona egon ziren eta denetara, hauek ere kontuan hartuta, 1350 ordu izan dira sartutakoak mantenuko lanetan. Mila esker parte hartu duzuen guztioi! ;-) Desbrozea ere egin da ikastola inguruan. Udaberriarekin sasiak gorantza datozelako.

Auzolana amaitzen

Kurtso honetako auzolana amaitzen ari da (kurtsoa bera bukatzen ari den bezala)
Mantenukoen auzolana bukatzen ari da. Azken asteburua gelditzen zaigu aurtengo lanak bukatzeko. Ekainaren 2an izango da.
Gaur, Maiatzak 12 eta hurrengo egunean, ikastolako jairako gauzak  prestatzen ari gara.
Jantokiko mahaien hankak, kanpoko hezi urdinak, kanastak eta goiko patioko hezi azpiko bordiloa izan dira gaurko betekizun nagusienak.

Apirilaren 21ean lan-ta-lan

Apirilaren 21ean Auzolaneko hirugarren txanda hasi da. Larunbata gutxi bada, igandean ere lanean ibili gara. Larunbatean 30 lagun etorri dira eta igandean 6 bazkide. Larunbatean egindakoen artean: goiko solairuko pasiloa zuriz margotu, erdiko solairuan dauden 4 pasilo txikiak zuriz margotu, goiko patiorako irteerako aterpeko horma margotu, argiak jarri goiko patioko irteerako aterpean, ikastola barruko hezi urdina ia gehiena margotu eta haurtzaindegiko gelen errepasoa elektrikarien aldetik. Iganderako aterpeko saski baloi zelaia margotzea gelditu da.

Erdu Komunitatera zure emailarekin

Galdakaoko Eguzkibegi ikastolan harreman digitalak komunikazioa erreztuko digutelakoan gaude. Horregatik zure emaila gurekin konektatzeko erabili dezazun animatzen zaitugu. Erantzun galdesorta hau eta... mantendu gurekin kontaktua! ;-)