Urtarrilaren 19an urtea ondo hasteko

Gaur 33 lagun hurbildu dira ikastolara eta 2. hiruhilabeteko lanei hasiera eman diegu. 

Urtarrilak 19an eguraldi txarra ematen zutenez barruko lanak egitea pentsatuta geneukan baina aprobetxatu dugu kanpoan gelditzen ziren gauza batzuk egiteko baita ere. 

Talde desberdinak egon dira lan desberdinak egiteko. 

• Talde batek lehen orduak erabili ditu ortuan botata zeuden adarrak batzeko eta astelehenean udal zerbitzuak eraman ditzan. Gero, talde hau barrura joan da musika gelaren zati bat margozteko.

• Bigarren talde bat egon da aldageletan. Berriztu diren aldagelak garbitu dituzte eta ondoren, ate eta markoei esmalte esku bat eman diete.

• Hirugarren taldea, baldak esmaltatzen egon da. Musika gelan, laguntzagelan eta psikomotrizitate gelan jarri behar diren baldei bigarren eskua eman diete.

• Laugarren taldea, patioko horma zati bat margotu dute, beheko patioko berjak esmaltatu dituzte eta patiotik lehenengo pisura doan hormaren beheko partea margotu dute.

• Bostgarren talde batek, teilatuan "linea de vida" berri bat jarri dute, teilatuko ur filtrazioak bilatu eta konpondu dute, ping-pong mahai berri bat jartzeko egurrezko estruktura prestatu dute eta haur txikientzat egin zen jolastoki berritik soberan zegoen kautxoa kendu dute.

Gaurkoan ere lan polita egin da eta ikastolak beste itxura bat hartzen ari da lan guzti hauei ezker. 

Oraindik, lan asko dago egiteko  eta hurrengo txandetan gauzak hobetzeko asmoz hor ibiliko gara berriro. 

Otsailaren 23an daukagu hurrengo deialdia. 

Anino eta eskerrik asko guztioi ;-)

Abenduaren 15ean lanean be

Abenduaren 15ean, Eguzkibegiko auzolankideak lanena egon dira be! ;-)
21 lagun igo dira ikastolara mantenuko lanetara. Ikastolaren aurpegia aldatzen ibili gara:

• Haurtzaindegiko frisoa eta sarrerako hall-eko frisoa berdez margotu ditugu. 
• Goiko pisuko frisoa granate antzeko kolore batez margotu dugu. 

Beraz, solairu bakoitzak bere nortasuna izango du hemendik aurrera.
Esango duzue ia nola ikusten duzuen ;-)

Bestaldetik, musikako gelan jarri genituen baldak esmaltatzen ibili gara baina bukatu gabe gelditu dira eta hurrengoan bigarren esku bat eman beharko zaie.
Eta azkenik, aurreko hilabetean moztu ziren adarrak batu egin ditugu udaleko lorazaintza zerbitzuak gabonetako egun hauetan eramateko.

ORTUA EDO SOLOA?
Pasa dan astean hiru guraso etorri ziren ikastolara baserritarren lanak egitera.
Ikastolak kurtso honetan ortua martxan jarriko du eta lurra prestatzen ibili dira.

Ortuaren inguruko hezia ere jarri dute. Irakasleak ere proiektu honen parte direnez, konposteko gunea ere prestatu dute.
Beraz, laister gura seme-alabak atxurrarekin ikusiko ditugu.

Pantailak lagun

Interneteko erabilpena arriskurik gabe ezgutzeko Pantallas Amigas taldeko kide batekin solasean.
Bi taldetan banatuta, euskaraz eta gaztelaniaz, galde erantzunak egiteko aukera eskaintzen digute.

TRESNA BATZUK
Erabiltzen ditugun hauek, tresna batzuk direla azaltzen digute, zaindu behar direnak, segurtasuna izan dezagun.
Inor ez die erakutsi gazteoi nola mugitu Interneten, entsaio-errorea da nagusia. Daukagun sensazioa "petit comite" batean gaudela, eta miloika pertsonek ikusi dezakete.
Gazteek ez dute beldurrik saguari sakatzeko, baina ez dute idearik ere zeintzuk diren interneteko oinarriak.
Gustoko gaia dute teknologia berriena eta ikasteko prest daude.
Sarean aurkitu dezakegun jendea bizitza errealean dagoenaren modukoa da: onak eta txarrak daude ;-)

FAKTORE BATZUK aztertzen ditugu:
Anonimatoa, nortasun  ordezkapena, web kamararen erabilpena (testuingurua ikusteko balio dezakete); ba omen dago birus bat (bifrost) urrunetik aktibatzeko balio omen dezakeena,
Ez dugu behar tuenti egon, baina gure laguntza behar dutenean, eurekaz egon behar dugu arazoa konpontzeko; euren hizkuntza berdina hitz egin behar dugu.
Webkamara pegata batekin tapatuta euki dezakegu, birus batek ez diezagun kamara piztu eta grabatu.

ZIBERBULLING-a
Erasoak ere gertatu daitzeke Interneten, baina luzaroan gelditzen dira: gu etxera joan arren, sarean gelditzen da erasoa :-/

SARE SOZIALAK & TUENTI
Tuentiko zerbitzuaren baldintzak aztertzen ditugu eta azkenean gogoeta hau komentatzen dugu: sarea ondo erabiltzeko, ikasi beharko genuke gure denbora ondo kudeatzen ;-)
 

BIDEO-LABURPENA Saioaren bukaeran Iraiz eta Urkorekin elkarrizketa labur hau izan dugu.

Azaroaren 17an lan-ta-lan

Azaroaren 17an ere auzolan-kide finak ibili dira eguzkibegin.
Joseba Artetxek honela laburebiltzen digu egindako lanak:
"25 lagun etorri dira ikastolara mantenuko lanetara. Gauza desberdinak egin ditugu. Ez geneukan argi eguraldia nolakoa izango zan eta batzuk barruan eta besteak kanpoan ibili dira.

• Kanpoan egindakoen artean desbrozea, konposterako erabiliko den txokoa txukundu dugu, jolastoki berriko kautxoa kokatuta utzi da (resina ezin izan da eman euria datorrelako). Oraindik, kautxoa finkatu eta gero, garbitu behar da eta margoztu baita ere. Jolas berriak garbitzen eta esmaltatzen hasi gara.
• Bestaldetik, kanpoan garbiketa gunea prestatzen ibili dira (iturginen lana falta da). Elbarrituen aparkaleku berria margoztu da eta zaharra ere erretokatu da. Azken hau egiteko,  aparkalekua garbitu da eta batutako hostoak konposterako erabiliko dira agenda 21-ren barruan.
• Barruko lanean, gehien bat, 1. pisuko hormak eta sapaia zuriz margoztu dira. Beheko patiora bajatzeko eskaileretan berdin. Arotzak, barruan baldak jarri dituzte musika eta psikomotrizitate gelan."

Horren adierazlea irudiok dituzue ;-)

Euskaraz bizi nahi

Galdakaoko Eguzkibegi ikastolak euskaraz bizi nahi du!
Bideoa Youtuben dago ikusgai

Mantenuko lanak martxan

Kurtso honetako mantenuko lanak martxan daude jada!
Urriaren 20an, lanari ekiteko asmoz 27 lagun etorri dira ikastolara.
Egindako lanak hauek izan dira:

• Erdiko solairuko horma zuriz eta urdinez margotu da (andamioa goiz erdian ekarri dutenez, goiko zatiak ez dira bukatu oraindik). 
• Erdiko solairua eta haurtzaindegi arteko eskaileren sapaia margotu da. 
• Barruan eta kanpoan hezi urdina margotzea falta zana bukatu da. 
• Goiko solairuan, atzekaldera ematen duten lehioen gainean, seguritate kable bat jarri da alde batetik bestera: hurrengoetan segurtasun osoarekin lan egiteko moduan gelditu da. 
• Aterpeko zutabeei barniza eman zaie. 
• Sukaldean eta pikomotrizitate gelan arketa batzuk konpondu behar izan dira. 
• Arotzak, sotoan zeuden balda batzuk montatu dituzte. 
• Sotoa txukundu da baita ere. 

Hori guzti hori nola egin den ikusteko hona hemen argazki batzuk.
(Informazioa & argazkiak Joseba Artetxeri esker lortu ditugu)

Txosnan laguntza behar da

Eguzkibegiko Txosnan laguntza behar da, egun hauetan txanda batzuk betetzeko.
Animatu zaitez/te eta apuntatu!
ASTEBURUA TXOSNAN
Adibidez, datorren asteburuan goizeko 3etatik itxi arte jendea behar dugu: 

• ostiralean 3etan itxi beharko dugu txosna eta 
• larunbatean txosna ez dugu itxiko baina, segur aski, sukaldea bai. 

OSTIRALEAN PATIN JAIA
Irailak 14 ostiralean, 19:00etan, Patin Jaia antolatzen dugu eta talde horrek  beste bi edo hiru pertsona behar dute dena prestatzeko.
Lan hauek auzolanean kontatzen ezbadute ere, denon laguntzarekin hobeto aerako dira; eta denono onerako izango da! ;-)